Logo

НУУЦЛАЛЫН БОДЛОГО

Сүүлд шинэчлэгдсэн огноо: 2025 оны 10 сарын 17

Sunmedia APP (цаашид Бид эсвэл Үйлчилгээ гэх) нь хэрэглэгч таны хувийн мэдээллийн нууцлалыг дээд зэргээр чухалчилдаг. Энэхүү Нууцлалын Бодлого нь та манай стрийминг үйлчилгээг ашиглах үед таны мэдээллийг хэрхэн цуглуулах, ашиглах, хамгаалах, мөн хуваалцах талаар тайлбарлана.

1. БИДНИЙ ЦУГЛУУЛДАГ МЭДЭЭЛЭЛ

Бид танд үйлчилгээ үзүүлэх, сайжруулах зорилгоор дараах төрлийн мэдээллийг цуглуулдаг.

А. Хувийн тодорхойлох мэдээлэл (Personal Identifiable Information - PII)

Энэ нь таныг шууд тодорхойлох боломжтой мэдээлэл юм.

  • Бүртгэлийн мэдээлэл: Таны нэр, имэйл хаяг, утасны дугаар.
  • Төлбөрийн мэдээлэл: таны төлбөр төлсөн QPay болон бусад гарцуудаар дамжуулан цуглуулсан төлбөрийн мэдээлэл (жишээлбэл, картын сүүлийн 4 орон). Бид таны төлбөрийн мэдээллийг шууд хадгалдаггүй бөгөөд аюулгүй төлбөрийн үйлчилгээ үзүүлэгчээр дамжуулан боловсруулдаг.
  • Харилцааны мэдээлэл: Хэрэглэгчийн дэмжлэг, санал хүсэлтээр дамжуулан бидэнтэй харилцсан мэдээлэл.

Б. Хэрэглээний болон Төхөөрөмжийн мэдээлэл

Энэ нь таныг Үйлчилгээг хэрхэн ашиглаж байгаа талаарх мэдээлэл юм.

  • Үзсэн контентын түүх: Ямар кино, цуврал, нэвтрүүлгийг хэзээ, хэр удаан үзсэн мэдээлэл.
  • Хайлтын түүх: Аппликейшн дотор хийсэн хайлт, тохиргооны өөрчлөлт.
  • Төхөөрөмжийн мэдээлэл: Таны ашиглаж буй төхөөрөмжийн төрөл (ухаалаг утас, таблет, ухаалаг ТВ), үйлдлийн системийн хувилбар, IP хаяг, хэлний тохиргоо, аппликейшний хувилбар.

2. МЭДЭЭЛЛИЙГ ХЭРХЭН АШИГЛАХ

Бид цуглуулсан мэдээллийг дараах зорилгоор ашиглана.

  • Үйлчилгээ үзүүлэх: Таны дансыг удирдах, төлбөрийг боловсруулах, контент үзүүлэх.
  • Үйлчилгээг сайжруулах: Аппликейшний ажиллагаа, хэрэглэгчийн интерфэйсийг сайжруулах, алдааг засварлах, үзэгчдийн зан төлөвийг судлах.
  • Хувийн тохируулга: Таны үзсэн түүх, сонирхлыг үндэслэн шинэ контент, санал болгох (recommendation).
  • Харилцаа холбоо: Таны данс, шинэчлэлт, үйлчилгээний мэдэгдэл, маркетингийн мэдээллийг имэйл эсвэл аппликейшний мэдэгдлээр илгээх.
  • Аюулгүй байдал: Үйлчилгээний аюулгүй байдлыг хангах, хуурамч үйлдэл, нэвтрэлтийг илрүүлэх, урьдчилан сэргийлэх.

3. МЭДЭЭЛЭЛ ХУВААЛЦАХ

Бид таны хувийн мэдээллийг зөвшөөрөлгүйгээр гуравдагч талуудад худалдах, түрээслэхгүй. Бид зөвхөн дараах тохиолдолд мэдээллийг хуваалцаж болно.

  • Үйлчилгээ үзүүлэгч гуравдагч талууд: Төлбөр тооцоо боловсруулах, маркетинг, үйлчилгээний дэд бүтцийг хангадаг компаниудтай. Эдгээр талууд нь зөвхөн бидний өмнөөс үйлчилгээ үзүүлэх зорилгоор мэдээллийг ашиглах үүрэгтэй.
  • Хуулийн шаардлага: Хууль, шүүхийн шийдвэр, эсвэл засгийн газрын хүсэлтийн дагуу мэдээллийг заавал өгөх шаардлага гарвал.

4. ТАНЫ ЭРХҮҮД

Та өөрийн хувийн мэдээлэлтэй холбоотой дараах эрхүүдийг эдэлнэ.

  • Харах, Засварлах: Та аппликейшний Дансны Тохиргоо хэсэгт өөрийн бүртгэлийн мэдээлэлд нэвтэрч, засвар хийх боломжтой.
  • Устгах: Та дансаа хаах хүсэлт гаргаснаар өөрийн хувийн мэдээллийг устгуулахыг шаардах эрхтэй. Бид хуулийн болон үйл ажиллагааны шаардлагаар зарим мэдээллийг тодорхой хугацаанд хадгалах боломжтой.
  • Маркетингаас татгалзах: Та манай маркетингийн имэйлүүдээс татгалзах боломжтой бөгөөд үйлчилгээний мэдэгдлүүдээс (дансны үйлдэл, төлбөр гэх мэт) татгалзах боломжгүй.

5. АЮУЛГҮЙ БАЙДАЛ

Бид таны мэдээллийг алдагдал, зөвшөөрөлгүй нэвтрэлтээс хамгаалахын тулд зохистой, орчин үеийн техникийн болон зохион байгуулалтын арга хэмжээг авч ажилладаг. Гэсэн хэдий ч, интернэтээр дамжуулсан ямар ч мэдээлэл 100% аюулгүй байдаггүй тул та өөрийн нууц үгийг хамгаалах үүрэгтэй.

6. НУУЦЛАЛЫН БОДЛОГЫН ӨӨРЧЛӨЛТ

Бид энэхүү Нууцлалын Бодлогыг үе үе шинэчлэх эрхтэй. Шинэчилсэн Бодлогыг энэ хуудсанд байршуулах бөгөөд Сүүлд шинэчлэгдсэн огноо-г шинэчилнэ. Чухал өөрчлөлтүүдийн талаар бид танд имэйлээр эсвэл аппликейшн дотор мэдэгдэх болно.

7. БИДЭНТЭЙ ХОЛБОО БАРИХ

Энэхүү Нууцлалын Бодлого эсвэл таны хувийн мэдээлэлтэй холбоотой асуух зүйл байвал бидэнтэй дараах хаягаар холбогдоно уу.

  • Имэйл: [email protected]
  • Хаяг: Улаанбаатар, Монгол улс, Хануул дүүрэг